Laimi kan Thawhkehnak le Nihin kan Dirhmun

Cattialtu: Pu Lian Cin   Dotkhatnak   Biahmaithi   Zeizong vialte hi tuanbia chung ah an um dih. Tuanbia in aa hlip phuak khomi a um lo. Tuanbia nih thiltha le thilchia, thildik le thildik lo, a kan chimh. Tuanbia nih nifa kan nunnak ah siseh, hmailei kan nunnak caah siseh lam a kan hmuhsak. Cu caah mifim mi nih tuanbia cu an dothlat i a tha lomi kha hrial an izuam long siloin a thami kha thachin seh tiah sersiam le thancho ter an izuam.   Laimi zong nih kan tuanbia pakhat ah aa tel ve mi kan pupa thawhkehnak le khua le ram an rak tuknak an rak sernak hi hlathlai in kan miphun kan itheihthiamnak ca le kan miphun lungkhat thinkhat in kan thutdir khawhnak caah chimrel hi kan herh ve. Kan pupa hna chan ah catial an rak thiam lo tik ah kan tuanbia hi kan pupa hna nih ca in chiahmi a rak um lo. Sihmahsehlaw tuchan ah upa cheukhat hna nih an theihkhawh tawk le an hlathlai khawh tawk ca in an kan chiah piak. Hi tuanbia ca hna cu Sianginn i tuahmi Research paper bantuk in ( biahalnak le fianternak phun in ) tuah mi a si lo tik ah pakhat le pakhat an theihning le an tialning hi aa dannak le aa kalhnak tete a um tawn. A tu ah keimah zong nih kan pupa hna khua le ram an tlaknak, an kan hrinsornak kong chim kaa tinh tikah hin midang theihning he a khat lomi a um len ko lai. Keimah nih a dik bik tiin ka zumhmi  ka chimrel mi a si ti kha theihter kan duh hmasa hna. Hi biatlang hi a kau tukmi a si ve tik ah sml 2 chung ah hin tling ngai in chimrel khawh a si lai lo. Cucaah ka duhnak zawn tete in ka vun langh ter lai.    A biapi mi cu hi cawnpiaknak a dih tik ah mino hna nih, Laimi hi apehtlaimi long te kan si nak le, khat le khat ihrial awk a tha lo mi, ithlei awk a tha lomi kan si zia le peng le tlang timi lungput hi a dik lo mi, icawn awk a si lo mi, a si zia kha zaangdam ngai in nan lungchung ah nan riah ter khawh ding kha  ka saduhthah mi cu a si.   2. Lairam kan phak hlan kan tuanbia tawi   Laimi Lairam kan phak hlan ah, kan pupa min, kan khuamin, kan lothawh kan thingphurh, kan holh, kan inn kan lo, kan vawkte an arte, kan thil kan thuam tibantuk hi zeiset a si ti hngalh khawh a si lo. A si nain Lairam kan um hlan kan rak thutdirnak hmun le hma hi fiang ngai in theih khawh an si. Laimi cu Tuluk ram Tibet in a ra mi Tibeto-Burman timi  kan si i  Tibeto-Burman chung ah Assam-Burman timi phu ah aa telmi kan si. Cu Assam-Burman phu ah cun miphun 6, ( Chin , Thet, Burman , Kachin, Naga le Lolo ) kan um i hi miphun 6 hna lak ah Laimi hi Kawlram ah a rak lut  hmasa bik kan rak si. Tibet in Kawlram ah kan rak luh tik ah Hukong thlangkar hrawng kan rak phak hi AD 400 hrawng a si tiin theih a si. Cun Kawlram nitlak-chaklei kap in kan rak lut i Chindwin tiva kam hrawng, Monywa khua chaklei, Cun Chindwin le Irrawaddy tiva karlak um mi Shew Bo khua hrawnghrang, ah kan rak um. A tu Sagaing khua hmun khi " Chin Suh " an rak ti i a sullam cu Laimi an ipumhnak hmun ti nak a si. 1971 kum ah Thilhlun kawlmi pawl nih Monywa khuachak ah Zenthawl kuai le Belkuai an hmuh i cucu Laimi long hmanmi a si zia kha an fian ter. Cu thilri hna cu Carbon 13 in an zoh tikah AD 800 lio thil a si tiin an hmuh. Cucu Laimi kan rak umnak a feh ter fawn.   Laimi Kawlram kan rak luh hlan ah hin Kawlram nichuah chaklei kap hin Pyo le Mon hi an rak lut chung cang. Pyo nih Irrawaddy nichuahlei kap hmum hma khi Shan ram tiang in an rak luah cang. Mon nih Kawlram nichuah thlanglei kap vial te an rak hum hak chung ve tikah Laimi hi Chindwin tiva pawng, Irrawaddy nitlaklei kap long an rak conak a si. Cun Laimi cu duhsah tein nitlak lei le thlanglei ah kan ithial hna i thlanglei ah Pakokku, Thilin, Tazet, in Hinthada timi tiang, cun cheukhat Pokpa tlang hrawnghrang Laimi khua kan rak sa hna. Cucu Asho Chin an si i nihin ni tiang an um rih. Tampi cu Kawl ah a cangmi zong an um hna. Hi bantuk in Laimi Kawlrawn kan rak phak i khua kan sak nak hi kum zabu 7  hrawng a si tiin tuak a si i kum zabu 14 tiang Kawlrawn ah khua kan sa hna tiin tuakning a si. Thet hi Laimi hnu ah Kawlram an rak lut i Irrawaddy tiva chaklei kap in Manipur ram tiang an itlai. Sihmanhsehlaw, Thet hnu in Kawlram ah a rak lut mi Kawl pawl (Burman) nih an pon chuah hna i  Manipur, Sagaing, Rakhaing, Kachin ram tibantuk in an ithekthai dih hnu ah an miphun tiang a lo tlau dih. Laimi kong hi Pagan lungca ah tial a rak si cang. Pagan uknak hi AD 1044 in 1287 tiang a si. Cu lio caan ah Laimi le Kawlmi an ramri cu Monywa khuachak meng 21 a hlat nak i a ummi Alung an timi khua khi a rak si. A sullam cu Laimi le Kawlmi hi innpa chakthlang bantuk in khua an rak sa hna i Kawl nih Laimi hi an rak uk bal hna lo tihi a fian ter.   --- Azapi HIKA hin relding.  ------------------------------ "Serve with gladness"

Ban Ki-moon Biachimmi

UN Secretary-General Ban Ki-moon Biachimmi   Excellencies, Distinguished guests and colleagues Ladies and Gentlemen, This is my second visit to Myanmar in just over a year.  Both visits have been at critical times for the country's future. My first visit was in the aftermath of Cyclone Nargis.  This devastating natural disaster, which took so many lives and created so much hardship, touched hearts across the globe.  In Myanmar's moment of need, the world responded generously. I want to personally thank everyone here today for your remarkable contributions to the relief and recovery effort. You have saved lives, rejuvenated communities and made it possible for many thousands of people to reclaim their livelihoods.  You have helped Myanmar to overcome adversity.  It is important that this work continues. Ladies and Gentlemen, I felt the tragedy of Cyclone Nargis deeply -- as a fellow Asian and as Secretary-General . I am Asia's second Secretary-General.  The first was Myanmar's U Thant.  I revere his memory.  I also recall his wise words. U Thant said: "The worth of the individual human being is the most unique and precious of all our assets and must be the beginning and end of all our efforts.  Governments, systems, ideologies and institutions come and go, but humanity remains." This is why I have returned. As Secretary-General, I attach the highest importance to helping the people of this country to achieve their legitimate aspirations. The United Nations works for people – their rights, their well-being, their dignity.  It is not an option.  It is our responsibility. I have come to show the unequivocal shared commitment of the United Nations to the people of Myanmar. I am here today to say:  Myanmar – you are not alone. We want to work with you for a united, peaceful, prosperous, democratic and modern Myanmar. We want to help you rise from poverty. We want to work with you so your country can take its place as a respected and responsible member of the international community. We want to help you achieve national reconciliation, durable peace and sustainable development. But, let me emphasize: neither peace nor development can thrive without democracy and respect for human rights. Myanmar is no exception. --- Adihlak HIKA ah rel ding. ------------------------------ "Serve with gladness"

Hringtu kan nu (Pi Far Men) operation tuahnak kong

Linghrinsor,   A kan hringtu kan nu Pi Far Men cu a rilfonghlei a phin ca ah operation 7 July 2009, Haka sizzungpi ah tuah a si. Kan biak Pathian zohkhenhnak le umpinak thawngin tluangte in operation an tuahkhawh. July 8, 2009 Philippines local time 9:00 AM, Haka local time 7:30 AM ah sizuung ah ka chawnh hna... A umpitu ka nau Nawlnawl le Asung he kan ichawn. Tluangte in operation an tuahkhawhnak kong le ka nu zong a thazaang a um ngai ko ti le bia zong lungfimte in a kan ruahkhawh ko tiah an ka chimh i kaa lawmtuk.   Ka nu hi rilfonghlei damlonak lawng si lo in thikai a ngei. Cupin ah rawl ei kho set lo in cencerh a einak a sau cang ca ah a thisa thazaang a chambau lai i operation tuah tikah thisen hlut hau le thawchambau deuh in a um sual te hnga maw ti ka phang ngai. Tuzing ka chawnh hna hnu cun ka khing a zang ngai cang, ka hna zong a ngam ngai cang. Kan biak Pathian cung ah kaa lawm i ka thangtthat!   Ka nu hi a luancia thlaruk hrawng in Dr. Hmuh Thang nih hi a zawtnak hi a hmuh cang i operation tuah le siding ding in phunhnih in ruahnak a pek. Upa ka si cang pin ah atu lio Haka khuasik (December 2008) lio si i ka thisa nih a chei sual lai lo. Cucaah sii tu in ka din rih lai a ti ca ah siitlang a din peng nain a dam deuh lo ca ah atu hlai a sinak hi a si. Hlai lawlaw hi a tthami hrim a si. Atu a dam hnu cun ngandam tein a kan nunpi cang lai tiah kan ilawmnak a ngan ko.   Hringtu kan pa Pu Hrang Ling nih January 1986 ah a kan thihtak hnu kum 23 chung a fale vialte a kan cawmkennak le a kan dawtnak cungah a dong kho lo mi, hmurka le cattial in chimphuan khawh lomi lunglawmhnak a fale vialte nih a cung ah kan ngei. Abik in a tufale a si mi Bawi Cin Ttial le a nau le pali, Sofia Ling hna an chuahka ah aa lawmhnak a mithmai le a dawtning hna, a zohkhenhning hna hi hmurka le ca in chimthiam le langhter khawh a si lo. A tufale vialte nih nan pi dawtnak hi nan philhlo ding a si.    Atutan ka nu operation tuahnak ca ah Mangmang le Ngunte nih USA in K. 400,000 an kan kuat tiah Nawlnawl nih a ka chimh. Palian zong nih USA Indianapolis in K. 298,000 a kuat ve hna. Keimah tu cu ka cacawn lio (Ph. D., in Philippines) a si i ka lungthin le ka thlacamnak lawng si ko.   Cincin pa Philippines --- PS: Mah ca hi record ca ah si te seh tiah ka ttial duhnak chan zong a si. ------------------------------ "Serve with gladness"

Congnak hi khuachia sin in lakmi a si tiah an ttialmi

Source: Metkhuabo mail on 6 Junly 2009 A ttialtu: vanlalcung9@gmail.com, a ttialning te in tar tthan a si. ---------- Forwarded message ---------- From: vanlalcung vanlalcung <vanlalcung9@ gmail.com> Date: Sat, May 23, 2009 at 4:28 PM Subject: val alzadum .chin miphun kanthuam kong To: Metkhuabo-unsubscri be@yahoogroups. com val al zadum hikan miphun thuam kong tlawmpal teka von peh than kavei khanak ca tial mi a si ii kapalh nak le a tlam tlinlo nak a  um sual ah cun bawikrih min in zaangfah kannawl hna mah hikan laithil hi khuachia thil bak a si ko law ki chan leo in khuachia raithawi nakthil bak a rak si aa thok nak cu kanpa le hna carel kho deoh minih cun keimah hnak in tlamtling deu in nan theih ko lai muko makazinzong ah nan rel ko lai kan lai thilhi muko maka zin tehna ii kan hmuhning ah cun khuachia sin in a ra mi a si ko ti nak a si mara pa hi khuachia nu ngak nu nih tiva a kal nakah a rak tlaih ti a si ii kumthum chung an i um ii cu nungak nu nih cun ka phuang hlah a rakti na in phuanglo awk a tha lo ii a phuangve tik ahmara cu athi ii khuachia nungak nu  cu a tu liokan aur ngaimi congnak puan aa aih ii anpa cu a von tahlio ah mithi hna chung nih vampang awng in an bih ii innchung ah an von luhhnoh ii cukhua chia nu cu a tang in annam cin mam ih a cawngnak puancu a thlak ta sual ii mah a thlak ta mi a puankha laimi nih kha i zoh chun in antah ii ziince hmuh lai thil ah a sangcem zong a si a man zong  a sang cem a si cawngnak ti mi hi mara holh a si deuh korua kannih hakha thlantlang holh cu a si deuh lo ti ah ka ruah hi khuachia sinn in a ra mi le a chuak mi hi patling pipi nih biakinn chungle pulpit cung hna ah a sul lelam tuak lo in pa sita zeimaw nih phungchim nak hna ah an hmang ii a poi ngaiko zoh zong a chia ngaiko hi kanlai thil cawngnak le puanrang te hna hi lawki chanlio ah cun khuangcawi kei pawfim bawitebawi laamnak te hna khuachia biakrai thawi nak ah rak hmang mi a si a tuchan ah cun a thiang mi pathian thang that nak ah cun ii hrukaih lo a  a thacem ko hnga pastate nih pulpit cung ah ii hrukaih ii pathian bia chim le rel nak ah hmang ti hlah uh hman awk ah a tlaaknak cu zei kanti lai chin a miao ta neh le nu pithit puai lailaam te hna sarlaam te hna sa zawhte hna a ah kan hman ah a tha hnga  athar in kan lai thil cu tuahkhoh le chuah khoh cu a si ti lai lo thatcu a tha a dawh zong a dawh tuk ko a uar mica ah cun a thangai a man zong a sang cem a si aduh mi nih cun ihhruk aih kha a tha ko a si nan pa thian thang that le biak in chung ah mi pi kan sizong ah pasita te kan si zongah biakin thiang chung ah cun hlaw can u sih law a tha cang ko hnga        hica hi rak rel cio ve uh nanlung tlin lo nak nanfian lo nak a um sual a si le        rak ka halthan te uh a tial tu alzadum ================= Life is like a book, everyday is new pages

Sermon: "Kan lam a tluanlo tikah" by Dr. S. Hre Kio

Source: CIM, Rungcin, Lai Forum Mail on 24 June 2009   Kan Lam A Tluan Lo Tikah Rev. Dr. Stephen Hre Kio   Hlaphuahtu pakhat nih hla a phuahmi cu, "Vawlei cung kan nun dam lio ah hin nuamnak tling ti a um bal lo" tiah a ti. Vawlei cung kan nundam lio, kan  i nuam kan ti zongah hin kan i nuamhnak zong hi a tling taktak bal lo ti a si. Mah cucu bia dang i kan ti ahcun, " Kan lam a tluan lo tikah," kan timi he khin a khat. Zumtu kan si, nuntharnak kan ngei, kan piangthar, Pathian fa kan si, vawlei minung kan si ti lo, Vancung ah a lengmi kan si, ti tiang hmanh kan ti ah, kan nunnak taktak a ngaingai in kan vun zoh tikah cun,vawlei mi kan sinak, kan tlamtlinlonak tampi kan hmuh thiamthian rih. Chun a um bantuk in zan a um. Mitthlitlaknak a um bantuk in nih-nak a um. Kan nunnak hi Khrih le Thiang Thlarau nih a kan umpi kan ti zongah, kan nunnak chung ah hin pangpar bantuk in kan nung kan ti zongah, pangpar lakah hling a rak um thiamthiam i, cu hling nih cun kan nunnak a hrawh tawn i, pangparnak in hling kha a ngan deuh ah kan ruah tawn i, pangpar nakin hling kha kan i buaipi tawn. Cu nih cun Khrihfa tampi a hrawh hna i, hling nih cun mi tampi Pathian bia kho lo in a tuah hna i, Pathian zum nakin Satan leiah kan kalnak caan tampi a um tawn. Kan lam a tluanlo tikah hmailei i fon nakin hmu lei i kir kan duh. Kha bantuk kha nihin ah hin chim ninglaw ti saduhthah ka ngeih caah nihin ah hin cucu chim ka timhmi a si. Cubantuk i hling kan ngeih caan, kan lam a tluanlo caan, vansanglam khuaruahhar i kan um caan ah "Zeiti'n dah Khrihfa mi nih, Khrihfa taktak a si mi hna nih kan lungput ning a si lai?" ti kha nihin ah hin chim ninglaw ka duh. Nan nunchung ah nan lungput hiti hin sisehlaw, timi hi panga in chim ka duh..   (1) Pathian nih tinhpiakmi a kan ngeih ti hi thatein i tlaih u silaw ka duh. Atu i Jeremiah 29:11-14  tiang,  an kan rel piakmi ah khan zei a ti dah tiah, " Nan caah tinhmi ka ngei" tiah Pathian nih a ti.. Achimtu cu Jeremiah a si; lung a ngeitu cu Pathian a si. Mah kha ti a ti mi hna kha, " Nan caah tinhmi ka ngei dah kaw" a ti mi hna kha thongtla an si. Mi nuam, a nuam ngai pawl an si lo. Thongtla, Isreal mi Babilon ah thong kum sawn sarih an va tlaknak, thong an va tlaknak ah khan Pathian nih cu ti cun  a va  ti hna. " Nan lam a tluan lo tik zongah hin, tinhmi ka ngei dah kaw" ti hi a si. Lungleng i nan um lioah hin, Jerusalem ngai i nan um lio ah hin, Khebar tiva pawng ah tingtang he nan lunglennak hla nan sak lengmang lioah hin , kan mitthli cu rawl bangin kan ei nan ti lioah hin, nan caah tinhmi ka ngei dah kaw, a ti hna.   Mah khakha Khrihfa mi paoh nih, Pathian a zummi paoh hna nih Pathian nih zeibantuk ka lam zong siaikun, ka caah tinhmi a ngei dah kaw, timi biatak hi i tlaih thup usilaw, kan nunnak hrihhrampi a si lai i cucu a biapi ngaingai. Pathian nih kan caah tinhmi a ngei dah kaw, zeibantuk thong kan tlak, zeibantuk kan lam a muih zongah, hling he kan i ciah zongah, kan caah tinhmi a ngei dah kaw, tihi a biapi tuk hringhring. Zeicaah? A fa kan si caah! Isreal mi kha ka fale a ti hna caah, a thim hna caah , a tuamhlawm hna caah , a theih peng hna caah, nan caah tinhmi ka ngei dah kaw a ti pengnak hna kha a si. Mah cucu pakhatnak ah i cinken usilaw, kengtha usilaw, i tlaih thup usilaw, ti ka duh.   (2) Cu tinhmi a ngeihmi cu Amah Pathian lawng nih a theih. Amah Jeremiah nih Pathian bia cu a chim i, "Cu tinhmi ka ngeih mi cu keimah lawnglawng nih ka theih" a ti. Pathian nih nan ca, kan ca i tinhmi a ngeih mi kha Amah Pathian lawng nih a theih. Ziah Pathian mah cucu na ka chimh ve lo?  tiah phunzai len-awk a si lo. Keimah lawng nih ka theih a ti ah cun amah lawng nih a theih a si ko. Zeicah tiah kan hnu kan hmai kong hi Amah lawng nih a hngalh. Midang ahohmanh nih kan hngal lo. Cucaah kannih nih kan i tlaih awk (kan lehkhan awk) zeidah a si tiah: Pathian nih kan caah tinhmi a ngeih mi hi Amah lawng nih a hngalh. Kannih nih kan hngal lo.. Kan hngalh zongah tlawmte fang khi a si. Kan hngal dih bal lo. Mah kha hngalh bal lo, hngalh dih lo kha i nautat awk a si lo. Ngeihchiat awk zong a si lo. Asermi kan si caah kan hngal dih bal lo.   Hngalh bal lo, a dihlak i hngalh dih lo hi Baibal ca nih hmun tam nawn ah a chim ko. Sam 131:1ah zei a ti dah tiah, "Ka ca i thil hartuk mi hna kha ka­­­­­­­­­­­­­­­­­­­­­­­­­­­­ hna ka hnawhpi ti hna lo," ti khi a si. Hakha Baibal ca ka zoh tikah zei a ti dah tiah "Ka ca i thil hartuk mi hna kha zei ah ka rel ti hna lo" a ti. Mah kha "Zei ah ka rel tio hna lo" ti kha Hebru holh ah zeitindah leh khawh a si ti ah cun, "Ka ca i thil hartuk vialte hna nih hin hna an kan hnawh ti lo" ti khawh a si. Hi vawlei cung thil har kan timi, kan hngalh khawh lomi, kan theih khawh lomi vialte hna nih hna in hnawh hna hlah seh, tinak a si. Baibal Cathiang nih a timi a si; keimah timi a si lo.   Cun Deuteronomi 29:29 ah zei a ti dah? Kan theih khawh lomi le kan hngalh khawh lomi, "Aa thupmi thil hna cu Bawipa ta an si," a ti. Kan hngalh khawh lomi,  kan theih khawh lomi thil vialte hna kha Bawipa nangmah ta an si, ti duhnak a si. Kan thluak in kan ruah khawh ti lomi siseh, kan nunnak ah harnak le temh-innak kan tonmi vialte zong siseh, kan theih kan hngalh khawh lomi hi Bawipa ta ah chia usih. --- Adihlak HIKA ah relding a si. ------------------------------ "Serve with gladness"

NBU le Lairam Krihfabu hmailei rianttuannak

Source: Lai Forum mail (11 June 2009)   Dear Saya Thomas, CCC Thanglawi na vun thlahmi cung ah lawmhnak tampi a um. Ralkap cozah nih Sianghleirun pakhat hmanh Chinram ah umter an duh lo lio ah Church hruainak in CACC nih CCC a dirh cu lawmh a rak um taktak. Pathian thawng in rianttuantu ttha CCC nih a ngeih hi lung a hmui ngai. Lawmh a um khun nak cu CCC ah laica an chimh leng ah BA. English a um hi a si. Chin mino hna fimnak lei thannak le miphun kilvennak ah bawmtu tha ngai a si lai ti ruahchannak tampi ngeih a si.    Khuaza phan laitlai dihlak zong nih CCC Principal bia bang dirhkamh cio awk hrimhrim a si. A tu Norway lei zong nih Falam, Matupi le Hakha hna i kum tin baibal sianginn saya pakhat cio lahkhah tal pek khawh awk ah N.Baptist Union (NBU) hruainak in Norawy Baptist Church dihlak le Norway um Chin Churches hna nih kumkhat budget chung ah telh cio ding in program an tuahpi cang hna.2009-2010 in cun kum tin zei mawzat an bawmh khoh ve lai ti thawng a leng cang, ruahchannak a um ko.Norway Chin Baptist Churhes hna hi CACC chungtel an si dih.   Norway ah Baptist Church dihlak 80 a um i, mipem chucrh hi 15 an si. Norway cozah theihpi nak le NBU ah chungtel a lut cangmi Chin Baptist Churches pa nga a um cang. A tukum ah Carson Baptist Church dirh a si i, pa ruk an si cang lai. An karh chin thluahmah rih lai. NBU nih Norway um Chin Churches hna he fonh in MBC in ZBC ah mission rian tuan ding in NBU GS Rev. Magne Mæland cu December 2009 ah survey tuah ah kawlram a tlawng i tuanvo ngei he an itong cang. Norway Chin Christian Fellowship (NCCF) cu ZBC he Palewah peng ah direct in mission rianttuan awk ah timhlamhnak a ngei cang.   Lawmh awk ngai pakhat cu ZBC GS Rev.Thawng Kam zong NBU Annual Meeting ah phungchim an sawm, July,2009 chung ah Norway  a phan lai. Norway um Chin Churches pawl zong an ingaih ngaingai, An Church cio ah phungchim sawm ding in NBU ah booking tuah icuh lulh a si. Pathian nih caanrem kan pe sehlaw vulei kan minung hawi he ramchung ramleng ttanrualnak laam a pem chin lengmang ko lai.    Note: A dihlak HIKA hin relding a si.   Ceu Mang ------------------------------ "Serve with gladness"

Haka Blood Organizations

Source: Lai Forum Mail on 19 June 2009   Miphun hawi hna:   Pu Cung Hu nih a tuahmi "Hakha Blood Donors Organization" cu mi tampi nunnak bawmtu a si. Tlawmpal te pekmi nih minung nunnak a cawk khawh.  A tanglei ah rel khawh a si.   C. Duh Kam  ===   --- On Fri, 6/19/09, cung hu <cunghu2007@googlema il.com> wrote: From: cung hu <cunghu2007@googlema il.com> Subject: Mithi Khua In Minung Khua Lei Ah An Hung Kir Than Hna To: "Lal Pek Lian" <lalpl2005@yahoo. com>, "sui kor" <angunnu@yahoo. com.au>, andynichumer@ yahoo.com, chumto@gmail. com, pabikkr@yahoo. com.au, parhlei2007@ yahoo.com, pakung65@yahoo. com, "Esther sung" <estherbiak@gmail. com>, "Shwehyinthar Pyanbar" <pyantharpyanbarshwe hyinthar@ yahoo.com>, "hehchet" <hehchet@yahoo. com>, "johnlian van" <johnvanlian@ gmail.com>, "Sui Ting" <suiting15@yahoo. com>, "davidsiang lian" <davidsianglian@ yahoo.com. au>, "lchinthang" <lchinthang@yahoo.. com>, "mawng tumzo" <mawngtumzo@yahoo. com>, tluang@gmail. com, grace.ameng@ gmail.com, rothawng@yahoo. com.sg, "ka pa" <cincinpa@gmail. com>, cduhkam@yahoo. com, "ceuhlun" <ceuhlun@yahoo. com>, "lianhei cung" <lianheicung@ gmail.com>, "sailiant" <sailiant@yahoo. com>, "Samuel Ngun Ling" <nling06@gmail. com>, "Chin Immanuel Church" <cic.nelson@yahoo. com>, "Chan Chum Hei" <chanchumhei@ gmail.com>, "cuang hlei" <cuanghlei@gmail. com>, "heito 08" <ceu.thang@gmail. com>, "Biak Peng" <biakpeng@gmail. com>, bortetinnawl@ yahoo.com, biaklianmang82@ gmail.com, blesscin@gmail. com, "Than Hre" <thangthangpa@ gmail.com>, kccfnelson@yahoo. com, "thlahei lian" <thlaheilian@ gmail.com>, "Ngun Thawng Lian" <ntlian@yahoo. com>, "James Tin" <lucentjt@gmail. com>, "moseshmung" <moseshmung@gmail. com>, "Van Mang" <zp.mang@gmail. com>, "ngun thang" <ngunvan@gmail. com>, "nini ceu" <rose28kl@yahoo. com>, "ngunceuling" <ngunceuling@ gmail.com>, ritatialmeng@ gmail.com, "runbawi" <runbawi@yahoo. com>, "vanlalcung vanlalcung" <vanlalcung9@ gmail.com>, vantlangmualcin@ hotmail.com, "suizi zisui" <szisui@gmail. com>, zatengsisi@yahoo. co.in Date: Friday, June 19, 2009, 1:05 AM Ka Upat Ngaingaimi Hna Le A Ka Dirpi Mi (Ramdang in )Vilate U Le Nau Hawikom Vialte Hna):   19.06.2009   Bawikri  min in nan kut kan tlaih hna. Nanmah nih, nan ka bawmhnak le nan ka dirpinak thawng in, Minung Tampi Hna cu, ThlanKhor Par In Minung Khua Lei Ah An Hungkir Than Hna.Pathian Hrimhrim nih thil lianngan nan tuahnak cung ah, relcawk lo thluachuah in pe cio ko hna seh. Kaa lawmhnak le ka thanuamnak kha, Internet in, ka vun in hlawi hna.   1.South Korea ( 2005 )    1. Pa Ni Chum Er......100, 000/-    2. Nu Ngun Si.......... .100,000/ -    3. Rev. Lal Pek Lian...65,000/ -    4. Pa Chan Bik Lian...500,00/ - 2. USA ( 2006 )    1. Pa Bawi Kian.....         234,000/-    2. Pu Maung Chit...           60,000/-    3. Pu Thla Sui Tlaungneh..96, 000/-    4. Pu Tha Ceu &  Lowly..  50,000/- 3. Newzealand ( 2007 )    1. Nelson Krifa Nubu.....140, 000/- 4. Australia( 2008 )   1. WCCF( Perth ).........1, 000,000/-   2. Pu Mang Hram........ ..200,000/ - 5. Denmark( 2008 & 2009 )   1.Chin Bethel Church Nubu..500,000/ -+ 200,000/- 6. Malaysia( 2008-2009 )   1.Ca Kung nu........... ......... .30,000/-   2. Pu Tluang Khar& A Len...90,000/ -   3. CCF ni 3 zaan pumhnak..100, 000/-   4. Hniarlawn Nubu........ ......200, 000/- 7. Singapore( 2008)   1. Pi Dawt Meng........ .75,000/- (Pumpak in keimah   laksawng a ka thenmi  i nan min pawl cu, ka langhter lo, kaa lawm tuk.) Cunghu Volunteer Blood Donor Foundation tiin, 2004 kum in ka rak dirhmi a si. Pumpak surparnak le minthannak caah  a si lo. Laimi hi, Committee he rian kan tuan tik ah, I rinh le thazaangchuah ah, kan daithlan tuk caah, harnak vialte I khinh dih awk ah, ka ruahnak a si.Zeicahtiah, hi rian hi, manh lo  a si kho lomi rian a si caah, thihnak le nunnak kar a si caah pumpek taktak a haumi a rak si caah a si. Sihmanhsehlaw, a tu hi cu, Foundation zong a fek ngai cang ti awk a si I, Hakha Blood Donors Organization tiin ka hun thlen cang. Thi lang 1,000 pinpi hlut a si cang I, mizaw 500 pinpi bawmh an si cang. Sizung I a herhmi thsen 95% cu hi Charity nih a pek khawh cang.Hakha Sizungpi cu,  100 bedded in 200 bedded an hun awn dengmang cang I, hinak hin, a tha chin lai I, mizaw zong nih hunpanh chin a si lai. Minung hawi cung ah, zawnruahnak a ngeimi poah nih, thlacaamnak le thazaang he, nan rak tan cionak cung ah, hmaizah upatnak ka vun langhtermi te a si. Kan bochan hna, ka dirpi uh, thazaang ka pe uh.   Mizaw sifak vialte hna le bawmh a haumi mirum vialte hna nih, a caan tanh in, NUNNAK an co cionak hnga ah, Hinak hin, tha deuh in tuan awk ah, ka thlacaamnak cu a si. (Hi caa hi, chawva a hlutu sin ah le, hawikom email ka hngalh tawk mi hna sin ah um harpheng rel a zuam mi nan um sual ah tiin , kan kuat chih hna).   Toidorn ak Taktak le Lawmhnak Nganpi He, Cung Hu Chikkhat Yangon ------------------------------ "Serve with gladness"

Mauttam bomhnak Cazin (through ZBC)

Ramleng Chin Krifabu hna nih Lairam Mauttam bawmhnak an pekmi   (Note: Through ZBC in kum 2008-2009 chung Mauttam Bomhnak a si i hipin ah CHRO min in siseh, pumpak le adangdang bomhnak a umrih)   Source: LaiForum le Rungcin Mail on 1 June 2009   Miphun hawidawt hna:   Lairam ah kan miphun hawi hna rawl ei awk ngei lo in an ttaam lio caan ah ramkip khuasa  Chin miphun zumtu hna nih kut kan samh cio i bawmhnak kan tuah.  Zomi Baptist Convention Gereral Secretary phaisa report hi theih a duh mi caah kan kuat hna.    C. Duh Kam Washington , DC     ---   Dear Dawttu vialte, ZBC minin nan kut kan tlaih hna. 2008 - 2009 chungah mautaam ruang bawmhnak nan kan pekmi le kan hmannak thawng kan thanh hna. Kan hmuhmi phaisa le nan kan kuatmi tlawmpal cu ai dang kho. A ruangcu Ygn in an kan kuat chinnak le  Bank i kan dihmi tete ruangah a si lai. Cun kan hmannak kongah nanmah siaherh ning in kan hman hmasa i a hnudeuh ahcun ZBC nih relief committee kan tuah i cu caihning cun kan phawt hna. An harning zoh in Association min in kan bawmh hna. Hmuhnak 1. Melbourne Chin church (voihnih) ... ... ... Ks. 4,470,000 2. NCCF ( Norway Chin Christian Fellowship) ... 7,350,000 3. CCFC ( Canada Chin Christian Fellowship) ... 7,400,000 4. CBFA (Chin Baptist Fellowship of America ) ...  2,300,000 5. Norway Baptist Union (voithum) .... ... ...  21,018,110 6. CCF (Chin Christian Fellowship, S.Korea) ...  800,000 7. Melbourne Chin Community ... ... ...  ... ... 400,000 8. CEBC ( Chin Evangelical Baptist Church , Indiana ) ... 2,340,000 A zapi:                                          Ks. 46,078,110 Hmannak (Bawmhnak pekmi) 1. Mara (BAM)                         Ks. 1,950,000 2. Paletwa                                   20,300,000 3. KVBA (Kalay)                             1,500,000 4. FBA (Falam)                                 900,000 5. Kanpaket (KTBA)                       1,800,000 6. Mindat (MTBA)                             900,000 7. Matu  Association 3)                  3,600,000 8. Hakha (HBA)                                900,000 9. LBA (Lairawn- Kalay)                  1,800,000 10. Gangaw (GBA)                             900,000 11. Zotung (ZABC)                          1,800,000 12. Tedim (TAB)                             1,500,000 13. Zo (ZBA)                                  1,800,000 14.. Thado (TBA-Tanmu)                    900,000 15. Sami (STBA)                             1,500,000 16. Zophei (ZPBA)                           1,500,000 17. Thantlang (TABC)                      1,800,000 Pekmi zapi                             45,350,000 Nan kan bawmhnak cung ah kan i lawm. Paletwa ahcun mau a par thiamthiam rih caah mautaam a dihlo tinak asi. Hmundang ahcun tlawmpal a zia leideuh a si nain an rak pam cangmi ruangah an har ngaiko hna. Sianginn kai kholo i ai ma mi siangakchia hna bawmh an herh hringhran rih. Bawmtu vialte Pathian nih in dawhna in inbawm ve ko hna seh. M. Thawng Kam ZBC ------------------------------ "Serve with gladness"

Sunday School Thawhkehnak

Source: Laiforum and Metkhuabo mail (5 June 2009)   Dear Hawile hna, June zarh khatnak zarhpi ni hi Ngakchia Ni (Children's Day) ah hman a si i, Sunday School thawhkehnak tuanbia te le a lungput kha a rel huammi caah ka hun thlah.   Sunday School Lungput Le Thawhkehnak Tuanbia   Sunday School a rak thoktu hi England ram Glocester khua i a ummi Robert Raikes timi pa a si. Amah cu canamnak (press) a ngeimi a si pinah Tadinca chuahtu pakhat zong a rak si. Khrihfa tha ngai a si bantukin harnak a tongmi pawl va bawmh hi a zuam ngaimi a si. Thongtla pawl an nunning a zoh tikah Pathian kong chimh ahcun an nunzia zong an i thleng kho deuh theo lai tiah a rak ruah i thongtla pawl sinah a rak tuan hmasa nain an nunning an i thleng  kho hlei lo. Robert Raikes nih zeitindah sifakmi ngakchia pawl nunnak thanchoter hi kaa zuam lai tikha a ruat lengmang i 1780 kum ah pawngkam i ngakchia pawl, sianginn zong a kai kho ve lomi le umnak zong thate in a ngei lomi hna pawl sinah riantuan hram a thawk. Ngakchia tam deuh cu Kawhrenh sernak sehzung (Pin factory) ah rian a tuanmi an si caah Zarhpi ni lawng hi an i manh caan a si i Sunday School tiah min a bunhnak zong a rak si. Ca a chimtu nu pakhat kha a rak hlanpiak hna i, ca chimhnak (Maths an rak cawng hmasa, an ti) in ngakchia pawl cu a rak thawkpi hna. An thawkka ah cun midang pawl nihsawh zong a rak tong ngai nain, Robert Raikes cu lungdong lo tein a tuan lengmang i kum thum a rauh hnuah Wesley te unau le Whitefield te unau hna nih tha peknak an vun ngei. Mi zapi zong nih Nov. 3, 1783 ni ah hnatlakpinak an ngeih piak. 1785   kum ah Robert Raikes le William Fox hna nih (Sunday School Society) Sunday School Cawnnak Bu tiin an rak tuah. Cu ticun sianginn zong a hung karh chin lengmang i 1789 kum ah cun siangngakchia 250, 000 tiang in an hung karh lawng si loin an nuncan ziaza zong a tha deuh ngai cang. Misualmi zong mithmuh in an hung zor chin lengmang. Sunday School cu London in America ram Virginia tiang a hung karh chin. Robert Raikes cu 1802 kum ah pension a la i, an ram nih minthatnak (freedom of the city) khuapi caah luatnak riantuantu timi lehhmah an pek. 1811 kum ah a thi i a ruak cu a Sunday School siangngakchia pawl nih hlunghlaite in an thlah. 1824 kum ah American ram ah Sunday School Bu (American Sunday School Union) cu an van tuah. Sunday School hi ngakchia hna caah a tha ngaimi cawnnak hmun a si kha mi zapi zong nih an hun theih cang i 1912 kum ah cawnpiaknak program pawl zong an hun karhter chin. Kan Kawlram ah Sunda School a rak thawktu cu Judson Siangbawipa nupi Ann Judson a rak si. Zarhpini ah Khrihfa pawl kha Baibal ca cawnnak le halnak a rak tuahpi hna nak in an thawk. Atu ah cun Sunday School ti nakin Church School tiin kan hman deuh cang. Kan Lairam ah Sunday School Carson bawinu nih a thok i ningcangte in a kalpitu cu Johnson siangbawinu a si i, 1950 kum ah felte in a rak dirpi hna. Ni ngani (Friday) zanlei ah saya/mah te he i tonnak le thlacamnak in  Zarhpi zing i an cawnpiak dingmi hna kha felfaite in timhtuahnak a rak ngeihpi hna. Cucu Hakha ah a rak si. Cuticun ZBC ramchung ah duhsah tein a karh ve.   Siaherhnak he, Lal Pek Lian CCF, Malaysia ================= Life is like a book, everyday is new pages

Mauttam bomhnak Cazin (through ZBC)

Ramleng Chin Krifabu hna nih Lairam Mauttam bawmhnak an pekmi   (Note: Through ZBC in kum 2008-2009 chung Mauttam Bomhnak a si i hipin ah CHRO min in siseh, pumpak le adangdang bomhnak a umrih)   Source: LaiForum le Rungcin Mail on 1 June 2009   Miphun hawidawt hna:   Lairam ah kan miphun hawi hna rawl ei awk ngei lo in an ttaam lio caan ah ramkip khuasa  Chin miphun zumtu hna nih kut kan samh cio i bawmhnak kan tuah.  Zomi Baptist Convention Gereral Secretary phaisa report hi theih a duh mi caah kan kuat hna.    C. Duh Kam Washington , DC     ---   Dear Dawttu vialte, ZBC minin nan kut kan tlaih hna. 2008 - 2009 chungah mautaam ruang bawmhnak nan kan pekmi le kan hmannak thawng kan thanh hna. Kan hmuhmi phaisa le nan kan kuatmi tlawmpal cu ai dang kho. A ruangcu Ygn in an kan kuat chinnak le  Bank i kan dihmi tete ruangah a si lai. Cun kan hmannak kongah nanmah siaherh ning in kan hman hmasa i a hnudeuh ahcun ZBC nih relief committee kan tuah i cu caihning cun kan phawt hna. An harning zoh in Association min in kan bawmh hna. Hmuhnak 1. Melbourne Chin church (voihnih) ... ... ... Ks. 4,470,000 2. NCCF ( Norway Chin Christian Fellowship) ... 7,350,000 3. CCFC ( Canada Chin Christian Fellowship) ... 7,400,000 4. CBFA (Chin Baptist Fellowship of America ) ...  2,300,000 5. Norway Baptist Union (voithum) ... ... ...  21,018,110 6. CCF (Chin Christian Fellowship, S.Korea) ...  800,000 7. Melbourne Chin Community ... ... ...  ... ... 400,000 8. CEBC ( Chin Evangelical Baptist Church , Indiana ) ... 2,340,000 A zapi:                                           Ks. 46,078,110 Hmannak (Bawmhnak pekmi) 1. Mara (BAM)                         Ks. 1,950,000 2. Paletwa                                   20,300,000 3. KVBA (Kalay)                             1,500,000 4. FBA (Falam)                                 900,000 5. Kanpaket (KTBA)                       1,800,000 6. Mindat (MTBA)                             900,000 7. Matu  Association 3)                  3,600,000 8. Hakha (HBA)                                900,000 9. LBA (Lairawn- Kalay)                  1,800,000 10. Gangaw (GBA)                             900,000 11. Zotung (ZABC)                          1,800,000 12. Tedim (TAB)                             1,500,000 13. Zo (ZBA)                                  1,800,000 14. Thado (TBA-Tanmu)                    900,000 15. Sami (STBA)                             1,500,000 16. Zophei (ZPBA)                           1,500,000 17. Thantlang (TABC)                      1,800,000 Pekmi zapi                              45,350,000 Nan kan bawmhnak cung ah kan i lawm. Paletwa ahcun mau a par thiamthiam rih caah mautaam a dihlo tinak asi. Hmundang ahcun tlawmpal a zia leideuh a si nain an rak pam cangmi ruangah an har ngaiko hna. Sianginn kai kholo i ai ma mi siangakchia hna bawmh an herh hringhran rih. Bawmtu vialte Pathian nih in dawhna in inbawm ve ko hna seh. M. Thawng Kam ZBC ================= Life is like a book, everyday is new pages